کامیاب جوان پروگرام کی تقریب وزیراعظم کے معاون خصوصی برائے امور نوجوانان عثمان ڈار کا کہنا ہے کہ کامیاب جوان پروگرام کے تحت چالیس ارب روپے قرضہ فراہم کر کے 26 ہزار خاندانوں کو روزگار فراہم کیا گیا ہے۔ خیبر پختونخوا میں صحت انصاف پروگرام سے غریب عوام کو سہولیات فراہم کی جار ہی ہیں۔
ان کا مزید کہنا تھا کہ کمزورطبقے سے تعلق رکھنے والے نوجوانوں کو کامیاب جوان پروگرام میں شامل کیاگیا ہے۔ اس ماہ سے کامیاب پاکستان پروگرام بھی شروع کیا گیا ہے،کامیاب پاکستان سے بھی نوجوان قرضہ لےسکیں گے۔ نوجوانوں کو اپنے پیروں پر کھڑے کرنے کیلئے پرعزم ہیں۔
اس تناظر میں ان کا کہنا تھا کہ چین نے بھی انسانی وسائل کی وجہ سے آگے جا رہا ہے۔ نوجوانوں کو مختلف سِکلز سیکٹرز میں سکالر شپ دیئے جا رہے ہیں۔نوازشریف نے دس لاکھ لیپ ٹاپ تقسیم کئے تھے یہ لیپ ٹاپ انہوں نے صرف اپنی تصاویر لگانے کیلئے تقسیم کئے تھے ،لیپ ٹاپ سکیم سے کسی نوجوان کو روزگار نہیں دیا گیا۔ انہوں نے کہا کہ وزیراعظم عمران خان نوجوانوں کو روزگار فراہم کرنے کیلئے اقدامات اٹھا رہے ہیں۔
علاوہ ازیں، وزیراعظم عمران خان کے ان اقدامات کو بزنس کمیونٹی کی طرف سے سراہا گیا ہے۔
