بیجنگ: چین نے دفاعی بجٹ 7.2 فیصد بڑھانے کا اعلان کیا ہے جو 225 ارب ڈالر بنتا ہے۔
خبر ایجنسی کے مطابق معاشی ترقی کے ہدف کا اعلان چینی وزیراعظم نے سالانہ نیشنل پیپلز کانگریس کے موقع پرکیا۔
وزارت خزانہ کی جانب سے ملک کی پارلیمنٹ کے سالانہ اجلاس کے پہلے روز شائع ہونے والی ایک رپورٹ کے مطابق چین اس سال دفاع پر 1.55 کھرب یوآن (225 ارب ڈالر) خرچ کرے گا۔
چین کی وزارت خزانہ نے کہا کہ وہ اس سال مینوفیکچرنگ سیکٹر کے لیے خصوصی فنڈز کو 4.4 ارب یوآن سے بڑھا کر 13.3 ارب یوآن کر دے گی۔
وزارت نے کہا کہ وہ اپنے ملک میں سائنس اور ٹیکنالوجی کی ترقی کے لیے 6.5 ارب یوآن مختص کرے گی، جو کہ دو ارب یوآن کا اضافہ ہے۔
چین کا اس سال تقریباً 12 ملین نئی ملازمتیں پیدا کرکے شہری بے روزگاری کی شرح کو 5.5 فیصد تک لے جانے کا ارادہ ہے۔
