پاکستان کی متنازع و معروف ٹک ٹاکر حریم شاہ نے پاکستان تحریک انصاف (پی ٹی آئی) کے چیئرمین کو 3 سال قید کی سزا سنائے جانے پر ویڈیوز اور تصاویر لیک کرنے کی دھمکیاں دے دیں۔
سوشل میڈیا پلیٹ فارم ایکس (سابق ٹوئٹر) پر حریم شاہ نے پوسٹ کرتے ہوئے چیئرمین پی ٹی آئی کی سزائے قید پر ردعمل ظاہر کیا اور لکھا کہ ‘سننے والے سن لیں، اگر عمران خان صاحب کو گرفتار کرنے کی کوشش کی گئی تو اپنے فون میں موجود تمام تصاویر اور ویڈیوز سوشل میڈیا پر اپلوڈ کردوں گی’۔
انہوں نے چیئرمین پی ٹی آئی کی لاہور میں گرفتاری کے بعد ایک اور پوسٹ شیئر کی جس میں انہوں نے لکھا کہ ’خان کا جرم یہ کہ وہ اس ملک کی تقدیر بدلنا چاہتا ہے۔ خان کا جرم یہ ہے کہ وہ غریبوں کے بارے میں سوچتا ہے۔ خان کا جرم یہ ہے کے وہ اس ملک کی اشرافیہ کو ایکسپوز کرتا ہے۔ خان کا جرم یہ کہ وہ مافیا کے سامنے سر نہیں جھکاتا‘۔
واضح رہے کہ اسلام آباد کی عدالت نے توشہ خانہ کیس میں چیئرمین تحریک انصاف کو 3 سال سزائے قید سنائی، جس کے بعد انہیں لاہور پولیس نے گرفتار کرلیا۔
