بھارت میں قطب مینار ریلوے اسٹیشن پر ایک افسوسناک واقعہ پیش آیا جب دہلی میٹرو ٹرین اور پلیٹ فارم کے درمیان پھنس جانے کے بعد ایک شخص کو درد ناک موت کا سامنا کرنا پڑا۔
افسوسناک واقعہ اس وقت پیش آیا جب مسافر نے پل استعمال کرنے کے بجائے پٹریوں کے ذریعے پلیٹ فارم عبور کرنے کی کوشش کی۔ دہلی میٹرو ریل کارپوریشن (DMRC) نے اطلاع دی کہ مسافر پلیٹ فارم کے کنارے اور میٹرو ٹرین کے درمیان کچل کر ہلاک ہوگیا۔
ٹرین آپریٹر نے مذکورہ معاملہ سامنے آنے پر فوری طور پر ایمرجنسی بریک لگائی، مسافر کو فوری طور پر اسپتال منتقل کیا گیا لیکن ڈاکٹروں نے اسے مردہ قرار دے دیا۔
बीते शनिवार को 40 वर्षीय एक व्यक्ति की कुचलकर मौत हो गई मृतक की पहचान भूरा सिंह के रूप में हुई है, जो उत्तर प्रदेश के कानपुर जिले के एक गांव का मूल निवासी था बताया जा रहा है
मृतक दिल्ली से मेट्रो में चढ़ा और छतरपुर मेट्रो स्टेशन के प्लेटफॉर्म नंबर 1 पर उतर गया। स्टेशन से तेजी से… pic.twitter.com/4jVp7dyR0y— Lavely Bakshi (@lavelybakshi) November 28, 2023
متوفی نے پیلے رنگ کی شرٹ اور نیلی جینز پہن رکھی تھی اور بازو پر ’سنیل‘ کا ٹیٹو بنوایا ہوا تھا۔ مقتول کے خون کے نمونے لے لیے گئے ہیں تاکہ معلوم کیا جا سکے کہ متوفی نشے میں تھا یا نہیں۔
اس ہولناک واقعے کے بعد، ڈی ایم آر سی نے مسافروں کے لیے ایک ایڈوائزری جاری کرتے ہوئے ان پر زور دیا کہ وہ میٹرو کی پٹریوں کو پار نہ کریں یا ان پر چلنے کی کوشش نہ کریں۔
