بالی ووڈ انڈسٹری کی معروف اداکارہ پریتی زنٹا، جو اپنی خوبصورتی اور بہترین اداکری کی صلاحیتوں کے لئے جانی جاتی ہیں، فلموں میں واپسی کرنے کے لئے تیار ہیں۔
اس حوالے سے جاری رپورٹس میں بتایا گیا ہے کہ اداکارہ بالی ووڈ اسٹار سنی دیول کے ساتھ ان کی آنے والی فلم ‘لاہور 1947’ سے فلموں میں واپسی کریں گی۔
رپورٹس میں بتایا گیا ہے کہ اداکارہ نے فلم کے لئے اپنا لک ٹیسٹ بھی دیا ہے اور زیادہ امکان ہے کہ وہ سنی دیول کے ساتھ اس فلم کے ساتھ واپسی کریں گی۔
’لاہور 1947‘ عامر خان پروڈکشنز کے تعاون سے بنائی جائے گی اور یہ ایک پیریڈ فلم ہے جس میں سنی دیول، راجکمار سنتوشی اور عامر خان کی ٹیم نظر آئے گی جس میں سنی دیول مرکزی کردار میں ہیں اور فلم کی شوٹنگ 12 فروری 2024 کو شروع کی جائیگی تاہم ممبئی میں سیٹ پر کام شروع ہو چکا ہے۔
خیال رہے کہ پریتی زنٹا اور سنی دیول نے ‘ہیرو: لو اسٹوری آف اے اسپائی’، ‘فرز’، ‘بھیا جی سپر ہٹ’ سمیت دیگر فلموں میں ایک ساتھ کام کیا ہے۔
