عدنان ظفر عرف پاکستانی کین ڈول نے ٹک ٹاکرز کو محرم الحرام کا درس دے دیا۔
ویڈیو شیئرنگ پلیٹ فارم ٹک ٹاک پر کین ڈول عرف عدنان ظفر نے ویڈیو شیئر کرتے ہوئے محرم الحرم کے دوران ٹک ٹاک ویڈیوز بنانے اور شیئر کرنے والے ٹک ٹاکرز کو شدید تنقید کا نشانہ بنایا۔
مذکورہ ویڈیو میں انہوں نے ٹک ٹاکرز کو کہا کہ کم از کم عاشورے کا احترام کرکے 3 دن اور رُک جاتے، یہ گانے اور ویڈیوز تو محرم الحرام کے بعد بھی جاری رہیں گے۔
انہوں نے مزید کہا کہ الحمداللّہ ہمارے والدین نے ہماری تربیت بہت اچھی کی ہے کہ ہم عاشورے کا احترام کرتے ہیں۔
انہوں نےکہا کہ محرم الحرام یا عاشورے کا احترام کرنے کے لئے کسی کا اہل تشیع فرقے سے تعلق رکھنا ضروری نہیں، بہت سے غیر مسلم بھی اس کا احترام کرتے ہیں۔
انہوں نے بتایا کہ ان کی اگلی ویڈیو اب عاشورے کے بعد آئے گی۔
