اگر پاکستان اوربھارت کے کرکٹرز کا موازنہ کیا جائے تو دونوں ممالک کے کھلاڑیوں کے معاوضوں میں زمین آسمان کا فرق ہے۔
نجی ویب سائٹ کے مطابق بھارت میں اے پلس کیٹیگری والے کھلاڑیوں کو 9 لاکھ 14 ہزار 417 ڈالر معاوضہ دیا جاتا ہے جبکہ پاکستان میں اس کیٹیگری میں کوئی کھلاڑی شامل ہی نہیں۔
اے کیٹیگری کے کھلاڑیوں کو بھارت میں 6 لاکھ 53 ہزار 155 ڈالر معاوضہ ملتا ہے جبکہ پاکستان میں اس کیٹیگری کے کھلاڑیوں کو 7 ہزار 696 ڈالر معاوضہ دیا جاتا ہے۔
اسی طرح بھارت میں ٹیسٹ میچ کی فیس 19 ہزار 594 ڈالر ہے جبکہ پاکستانی کھلاڑیوں کو صرف 4 ہزار 267 ڈالر دیے جاتے ہیں۔
ون ڈے میں بھارتی کھلاڑیوں کو 7 ہزار 837 ڈالر جبکہ پاکستان میں 2 ہزار 624 ڈالر، ٹی ٹوئنٹی میں بھارتی کھلاڑیوں کو 3 ہزار 918 ڈالر جبکہ پاکستان میں 1 ہزار 893 ڈالر کی فیس دی جاتی ہے۔
واضح رہے کہ بھارت میں اے پلس کیٹیگری میں صرف ویرات کوہلی، جسپریت بھمرا اورروہت شرما شامل ہیں جبکہ اے کیٹیگری میں کئی بھارتی کھلاڑی شامل ہیں۔
بھارت کی اے کیٹیگری میں رویندر جدیجا، روی چندری اشون، رشبھ پنت، کے ایل راہول اور محمد سیع شامل ہیں جبکہ بی کیٹیگری میں اجنکیا رہانے، چتیشور پجارا، شردل ٹھاکر، ایشانت شرما، امیش یادیو، محمد سراج اوربھونیشور کمار شامل ہیں۔
بھارت کی سی کیٹیگری میں شکھر دھون، وردھیمان ساہا، ہاردک پانڈے، مایانک اگروال، شبنم گل، دیپک چاہر، ایکسر پٹیل، ہنوما ویہاری، سوریا کمار یودیو، شریاس ایار اور واشنگٹن سندر کو شامل کیا گیا ہے۔
دوسری جانب پاکستان میں اے کیٹیگری کے کھلاڑیوں میں کپتان بابراعظم، محمد رضوان، حسن علی اور شاہین شاہ آفریدی شامل ہیں۔
پاکستان میں بی کیٹیگری کے کھلاڑیوں میں فہیم اشرف، فخر زمان، اظہر علی، فواد عالم، یاسر شاہ اورشاداب خان شامل ہیں جبکہ سی کیٹیگری میں امام الحق، عابد علی، حارثرؤف، محمد حسنین، سرفراز احمد، نعمان علی اور محمد نواز کو شامل کیا گیا ہے۔
پاکستان میں ایک اور ایمرجنگ کیٹیگری بھی شامل ہے جس میں شاہ نواز دھانی، عثمان قادر اورعمران بٹ کو شامل کیا گیا ہے۔
