نیٹ فِلکس مفت استعمال کرنے والوں کیلئے بری خبر آگئی ہے۔
بین الاقوامی اسٹریمنگ سروس نیٹ فِلکس نے اعلان کیا ہے کہ ’ گھر سے باہر سروس کے استعمال کو ختم کیا جارہا ہے اور رواں برس اپریل کے اختتام تک اس کا نفاذ ہوجائے گا ‘۔
اعلان میں کہا گیا ہے کہ ’ اگر کسی صارف نے گھر سے باہر سروس کو استعمال کرنا ہے تو اسے اضافی پیسے ادا کرنے ہوں گے ‘۔
نیٹ فلکس نے ایک بیان میں کہا ہے کہ ’ وسیع پیمانے پر پاسورڈ شیئرنگ سے اس کو اپنی سہولت کو مزید بہتر اور اچھا کرنے میں سرمایہ کاری کیلئے کم مواقع مل رہے ہیں ‘۔
دوسری جانب امریکا کی بعض ریاستوں میں ٹرائل کے طور پر گھر سے باہر کے فرد کو اکاؤنٹ شیئر کرنے پر دو سے تین ڈالر اضافی چارج کیے جارہے ہیں جس پر متعدد افراد نے اپنی سبسکرپشن کینسل کرادی ہے۔
واضح رہے کہ نیٹ فِلکس نے پچھلے برس جولائی میں پاسورڈ شیئرنگ کرنے والوں کے خلاف کریک ڈاؤن کا عندیہ دیا تھا اور ایک دہائی کے دوران 2022 کی سہ ماہی میں نیٹ فلکس کو دو لاکھ کے قریب سبسکرائبر سے ہاتھ دھونا پڑا۔
