نائلہ کیانی دنیا کی دسویں بلند ترین چوٹی سر کرنے والی پہلی پاکستانی خاتون بن گئیں

کٹھمنڈو: نائلہ کیانی دنیا کی دسویں بلند ترین چوٹی سر کرنے والی پہلی پاکستانی خاتون بن گئیں۔

نائلہ کیانی نے پیر کی صبح  نیپال میں واقع 8 ہزار 91 میٹر بلند انا پورنا چوٹی کو سر کیا۔ نائلہ کیانی دنیا کی دسویں بلند ترین چوٹی سر کرنے والی پہلی پاکستانی خاتون بن گئی ہیں۔

نائلہ کیانی کے ساتھ پاکستانی کوہ پیما 21 سالہ شہروز کاشف نے بھی انا پورنا چوٹی کو سر کرلیا۔ کاشف شہروز اب تک 8 ہزار میٹر سے زائد بلند 11 چوٹیاں سر کرچکے ہیں۔ کاشف شہروز 11 بلند چوٹیاں سر کرنے والے دوسرے پاکستانی کوہ پیما ہیں۔ اس قبل ہفتے کے روز کوہ پیما ساجد سد پارہ نے بغیر مصنوعی آکسیجن کے انا پورنا پہاڑ کو سر کیا تھا۔