پیاز کے ممکنہ بحران سے نمٹنے کے پیشگی حکومتی اقدامات کے تحت نگران حکومت نے پیاز کی برآمدات کو محدود اور سخت کرنےکا فیصلہ کیا ہے۔
حکومتی ذرائع کے مطابق نگران حکومت نے ملک میں پیاز کی قیمتوں میں استحکام کیلئے اقدامات کا آغاز کر دیا۔
پیاز برآمد کی اجازت صرف ایڈوانس ادائیگی کی شرط پر ہی ہوگی اورپیاز کی برآمدکیلئےکم ازکم ایکسپورٹ پرائس مقرر کی گئی ہے جو 750 ڈالر فی میٹرک ٹن ہوگی یعنی اس قیمت سے کم پر پیاز برآمد کرنے کی اجازت نہیں ہوگی۔
ذرائع کا کہنا ہےکہ پیازکی برآمدات پرنئی شرائط29 فروری2024تک لاگورہیں گی ذرائع کے مطابق نگران حکومت کے اقدامات سے پیاز کی قیمتوں میں استحکام آئے گا کسانوں کو فائدہ ہو گا اور زرمبادلہ بھی حاصل ہوگا۔
پڑوسی ملک بھارت نے بھی پیاز کی قیمتوں میں استحکام کیلئے اس سال اکتوبر میں پہلے پیاز کی ایکسپورٹ کیلئےکم ازکم پرائس مقررکی اوراس کے بعد گذشتہ ہفتے پیاز کی برآمد پر 31 مارچ 2024 تک پابندی عائد کر دی۔
