کراچی: ملائیشیا کی نجی ائرلائن نے کراچی کے لیے فلائٹ آپریشن شروع کردیا۔ اس سلسلے میں پہلی پرواز کل کراچی پہنچے گی۔
باتِک ائرلائن کی کراچی کے لیے پہلی پرواز ملائیشیا کے دارالحکومت کوالالمپور سے کل شام ساڑھے 7 بجے پہنچے گی۔ اس موقع پر طیارے کو واٹر سلیوٹ پیش کیا جائے گا۔
ملائیشیا کے قونصل جنرل اورسول ایوی ایشن کے افسران باتِک ائرلائن کی پہلی پرواز کے مسافروں کا استقبال کریں گے۔
نجی فضائی کمپنی کراچی کے لیے ہفتہ وار 3پروازیں آپریٹ کرے گی، جس کے لیے ائربس 320 طیارے استعمال کیے جائیں گے۔ فضائی آپریشن شروع ہونے سے مسافروں کوسفری سہولت،سیاحت کو فروغ اورملک کو زرمبادلہ حاصل ہوگا۔
