اطالوی فیشن ڈیزائنر رابرٹو کوالی 83 سال کی عمر میں انتقال کر گئے۔
غیر ملکی میڈیا رپورٹس کے مطابق رابرٹو کوالی کی کمپنی نے ان کی موت کا اعلان انسٹاگرام پوسٹ میں کیا۔
رپورٹ میں بتایا گیا کہ رابرٹو کوالی طویل علالت کے بعد فلورنس میں اپنے گھر میں انتقال کر گئے۔
انہوں نے 1970ء کی دہائی میں اپنی کمپنی قائم کی تھی، ان کے ڈیزائن صوفیہ لورین، کم کارڈیشین اور جینیفر لوپیز جیسے ستاروں نے پہنے ہیں۔
رابرٹو کوالی کو بھڑکیلے رنگوں اور پیچ ورک ایفیکٹس کی وجہ سے شہرت حاصل تھی۔
اطالوی فیشن ڈیزائنر رابرٹو کوالی نے چمڑے پر پینٹنگ کا نیا طریقہ بھی متعارف کرایا تھا۔
