معروف پاکستانی اداکارہمایوں سعید نے شوبز دنیا میں اپنے سفرکومحض اتفاقی قرار دیاہے۔
ایک انٹرویو کے دوران اداکار کااپنے فنی کرئیر پر روشنی ڈالتے ہوئے کہناتھا کہ وہ شوبز دنیا میں قدم رکھنے سے پہلے ایک گارمنٹس فیکٹری میں بطور جنرل منیجر ملازمت کرتے تھے۔
انہوں نے کہا کہ جس فیکٹری میں وہ ملازم تھے وہ اچانک کراچی سے لاہور شفٹ ہوگئی اور یوں ان کے کرئیر کا اہم ترین دور شروع ہوا اور وہ شوبز میں آگئے۔
اداکار نے بتایا کہ وہ اپنےپہلے ہی آڈیشن میں کامیاب ہوگئے اورپھر انہیں ڈرامہ سیریل میں مرکزی کرداردیا گیا ۔ پہلے دن شوٹنگ ہوئے تو پروڈیوسر اور ہدایتکار کی توقعات کے مطابق مرکزی کردار نہیں کرسکا اور انکاکردار تبدیل کردیا گیا اور اس کے بعدانہوں نےڈرامہ چھوڑ دیا۔
ہمایوں سعید نےمزیدبتایا کہ ’میں نے ایک دوست کے ساتھ مل کر سنگل ڈرامہ بنایا جو بہت برا تھا لیکن جس پروڈیوسر نے مجھے پہلے ڈرامے میں مسترد کیا تھا انہوں نے کہا کہ جو ڈرامہ تم نے بنایا ہے وہ برا ہے لیکن تم بہتر ہومیرے پراجیکٹ میں کیا ہوگیا تھا‘۔
انہوں نے کہاکہ ’ اسی پروڈیوسر نے ڈرامہ سیریل ’یہ جہاں‘ میں کاسٹ کیا ، اس کے بعد مجھے ایک کمرشل بھی ملا اوراس کے بعد میں نے پیچھے مڑکر نہیں دیکھا ‘۔
انہوں نے کہا کہ حالات اور شوق مجھے شوبز میں لے کر آئے ،آغاز کا دور مشکل تھا لیکن میں نے محنت کی اور اللہ تعالی نے مجھے اس کا صلہ بھی دیا۔
