پاکستانی آل راونڈر شعیب ملک کی سابق اہلیہ اور بھارتی ٹینس اسٹار ثانیہ مرزا کی عید کی تصاویر سوشل میڈیا پر وائرل ہوگئیں۔
حال ہی میں ثانیہ مرزا نے سوشل میڈیا کی فوٹو اینڈ ویڈیو شیئرنگ ایپ انسٹاگرام پر عیدالفطر کے موقع پر چند تصاویر پوسٹ کیں جس میں اُن کو اپنے والدین کے ہمراہ دیکھا جاسکتا ہے۔
سوشل میڈیا پر وائرل ہونے والی تصاویر میں دیکھا جاسکتا ہے کہ ثانیہ مرزا نے سلور رنگ کا جوڑا زیبِ تن کیا ہوا ہے جس میں وہ بہت خوبصورت لگ رہی ہیں۔
تصاویر میں ثانیہ مرزا کے ہمراہ ان کی بہن اور بہنوئی بھی موجود ہیں جبکہ تصاویر میں شعیب ملک اور ثانیہ مرزا کا بیٹا سوشل میڈیا صارفین کی توجہ کا مرکز بنا ہوا ہے۔
یاد رہے کہ شعیب ملک نے سال 2010 میں بھارتی ٹینس اسٹار ثانیہ مرزا سے پہلی شادی کی تھی، دونوں کا ایک بیٹا اذہان مرزا ملک ہے جس کی پیدائش 2018 میں ہوئی تھی۔
رواں سال 20 جنوری کو شعیب ملک نے اداکارہ ثنا جاوید کے ساتھ اپنی دوسری شادی کی تصدیق کی تھی۔
