لاہور: شاہین شاہ آفریدی کے ٹی20 انٹرنیشنل میچز کی ففٹی مکمل ہوگئی۔
پیسر شاہین آفریدی نے ٹی20 انٹرنیشنل میچز کی ففٹی کا سنگ میل گزشتہ روز قذافی اسٹیڈیم لاہورمیں نیوزی لینڈ سے میچ کے دوران عبور کیا۔
کپتان بابر اعظم نے شاہین کو میچ شروع ہونے سے قبل 50 ویں کیپ پیش کرتے ہوئے کیریئر میں مزید کامیابیوں کیلیے نیک خواہشات کا اظہار کیا، دیگر ساتھی کھلاڑیوں نے بھی تالیاں بجاکر حوصلہ افزائی کی اور گلے لگاکر مبارکباد بھی دی۔
یاد رہے کہ شاہین سے قبل 20 پاکستانی کرکٹرز 50یا زائد میچز کھیل چکے ہیں، شعیب ملک نے سب سے زیادہ 123 مقابلوں میں حصہ لیا۔
