بالی ووڈ کے سُپر اسٹار شاہ رخ خان کی فلم ’پٹھان‘ کا نیا گانا جاری کردیا گیا۔
شاہ رخ خان نے اپنے سوشل میڈیا اکاؤنٹس پر گانے کی ویڈیو شیئر کی جسے کچھ ہی دیر میں لاکھوں مرتبہ دیکھا گیا۔
اس کے علاوہ اداکار جان ابراہم نے بھی اپنے سوشل میڈیا اکاؤنٹ پر گانے کی ویڈیو شیئر کی ہے۔
اس سے قبل فلم کا پہلا گانا جاری ہونے کے بعد سے اب تک متنازع بنا ہوا ہے جس کے باعث بھارتی انتہاپسندوں نے فلم کے بائیکاٹ کا اعلان بھی کردیا ہے۔
بھارتی انتہا پسندوں کا مؤقف
واضح رہے کہ شاہ رُخ خان کی نئی فلم پٹھان کے گیت میں ہیروئن دیپیکا پڈوکون کے زعفرانی لباس کو وجہ بنا کر بھارتی انتہا پسندوں نے فلم کے بائیکاٹ کا اعلان کیا ہے۔
کنگ خان کا انتہاپسندوں کو کرارا جواب
اس سے قبل فلم ’پٹھان‘ کے بائیکاٹ کا اعلان کرنے والے بھارتی انتہا پسندوں کو شاہ رخ خان نے فلمی انداز میں کرارا جواب بھی دیا تھا۔
شاہ رخ خان نے گزشتہ دنوں کولکتہ انٹرنیشنل فلم فیسٹول 2022ء میں خطاب کے دوران کہا تھا کہ دنیا جو کچھ بھی کر لے میں، آپ اور جتنے بھی مثبت لوگ ہیں سب کے سب زندہ ہیں۔
شاہ رخ خان کی فلم کب ریلیز ہوگی؟
یاد رہے کہ سدھارتھ آنند کی ہدایت کاری میں بننے والی فلم پٹھان میں دیپیکا پڈوکون اور جان ابراہم بھی شامل ہیں اور یہ آئندہ برس 25 جنوری 2023ء کو ریلیز ہو گی۔
