ڈرامہ و فلم انڈسٹری کی معروف اداکارہ نیلم منیر نے شادی کے سوالات سے تنگ آ کر دوٹوک جواب دیا ہے۔
اداکارہ نیلم منیر کی سوشل میڈیا پر ایک مختصر سی ویڈیو وائرل ہے جس میں وہ شادی سے متعلق پوچھے جانے والے سوالات سے تنگ نظر آ رہی ہیں۔
اس وائرل ویڈیو میں نیلم منیر کا شادی سے متعلق پوچھے گئے سوال کے جواب میں صحافی سے پوچھنا ہے کہ آپ لوگوں کو میری شادی کی اتنی پرواہ کیوں ہے؟ مجھے کوئی ٹینشن نہیں ہے، میں ابھی کام کرنا چاہتی ہوں، نہ کرو ایسے سوالات ابھی۔
میری شادی کی خبر اچانک سامنے آئے گی، نیلم منیر
واضح رہے کہ 31 سالہ نیلم منیر کی شادی سے متعلق متعدد بار افواہیں سرگرم رہ چکی ہیں مگر وہ ہر بار اِن افواہوں کی تردید کر دیتی ہیں۔
انہوں نے ایک بار ایک انٹریوو کے دوران شادی سے متعلق بات کرتے ہوئے کہا تھا کہ میری شادی کی خبر مداحوں کو اچانک ہی سننے کو ملے گی لیکن میں شادی سادگی سے کروں گی۔
