اسٹریمنگ پلیٹ فارم پر بگ باس 2 کی امیدوار نے دعویٰ کیا ہے کہ سلمان خان کو محبت میں دھوکے ملے ہیں، اب انہیں ایک گھریلو خاتون کی ضرورت ہے۔
ماہر علم نجوم اور شو کی امیدوار ببیکا دھوروی نے ساتھی امیدوار کے ساتھ بات چیت کرتے ہوئے یہ دعویٰ کیا۔
ببیکا سے منیشا نامی کنٹسٹنٹ نے جب سوال کیا کہ کیا کبھی سلمان خان کو محبت میں دھوکے ملے تو اس پر ببیکا کا کہنا تھا کہ ’انتہائی درد ناک‘۔
ماہر علم نجوم کا کہنا تھا کہ جتنا سلمان خان خود کو سخت دل اور جذبات سے عاری دکھاتے ہیں اندر سے وہ اتنے ہی نرم دل ہیں اور ان کا پیار میں ڈوبنے والا دل ہے۔
ان کا یہ بھی کہنا تھا کہ سلمان خان کو اب حد سے زیادہ بلند نظر کے بجائے ایک گھریلو خاتون کی ضرورت ہے۔
ببیکا کا کہنا تھا کہ سلمان کو ایسی خاتون کی ضرورت ہے جو ایک گھر بنانے والی ہو، جو والدین کی خدمت کرے، انہیں سمجھے۔
