بالی وڈ کے اداکار سیف علی خان اپنے کندھے کی سرجری کے بعد اسپتال سے گھر واپس آگئے ہیں۔
سیف علی خان کو ہسپتال سے ڈسچارج ہونے کے بعد ان کے گھر کے باہر میڈیا نے خوش آمدید کہا ، جس کی ویڈیو سوشل میڈیا پر پوسٹ کی گئی ہے۔
سیف علی خان کے ہمراہ ان کی اہلیہ اداکارہ کرینہ کپور خان بھی ہیں ، جنہوں نے گاڑی سے باہر آتے ہی مسکرا کر سب کا شکریہ اداکیا۔
میڈیا رپورٹس کے مطابق سیف علی خان کے کندھے میں فریکچر ہوا، جس کی سرجری کیلئے انہیں ممبئی کے کوکیلابین ہسپتال منتقل کیا گیا تھا۔
اس حوالے سے سیف علی خان نے انکشاف کیا ہے کہ اگر وہ اپنے کندھے کی سرجری نہ کرواتے تو معذور ہو سکتے تھے۔
انہوں نے بتایاکہ وہ کافی عرصے سے ہاتھ میں درد محسوس کررہے تھے لیکن وہ یہ نہیں جانتے تھے کہ چوٹ کتنی گہری ہے۔
سیف علی خان کے مطابق فلم ‘دیوارا’ کے لیے ایکشن سین کرتے ہوئے ایک بار پھر زخمی ہوا جس کے بعد درد کی شدت مزید بڑھ گئی، اس کے بعد ایم آر آئی کروایا تو پتا چلا کہ ٹرائی سیپ ٹینڈن بری طرح سے پھٹ چکا تھا، اگر سرجری بروقت نہ ہوتی تو وہ اپنا ایک ہاتھ گنواسکتے تھے۔
