اداکاری اور خوبصورتی میں اپنی الگ پہچان رکھنے والی اداکارہ سجل علی نے ڈراموں کے ساتھ ساتھ انسٹاگرام کا میدان بھی مار لیا اور ان کے فالوورز کی تعداد 60 لاکھ ہو گئی۔
تفصیلات کے مطابق سجل علی انسٹاگرام پر 60 لاکھ فالوورز حاصل کرنے والی پاکستان کی چوتھی اداکارہ ہیں۔
سجل علی سے قبل پاکستانی اداکارہ ایمن خان، ماہرہ خان اور عائزہ خان کو انسٹاگرام پر فالو کرنے والوں کی تعداد 60 لاکھ سے زائد ہے۔
واضح رہے کہ گزشتہ دنوں انسٹا گرام پر اپنی خوبصورت تصویر شئیر کرتے ہوئے سجل نے اپنے مداحوں کو خدا کی نعمت قرار دیا تھا۔
ان کا مزید کہنا تھا کہ ان سب لوگوں کا شکریہ جنہوں نے اپنے دلوں میں مجھے جگہ دی۔
