حمیمہ ملک نے مولانا طارق جمیل سے معافی مانگ لی

اداکارہ حمیمہ ملک  نے معروف مذہبی  اسکالر مولانا طارق جمیل سے معافی مانگ لی۔

سماجی رابطے کی ویب سائٹ ٹوئیٹر پر جاری پیغام میں حمیمہ ملک نے کہا کہ مولانا طارق جمیل ہمارے معاشرے کے ان علماء میں سے ایک ہیں جنہوں نے تعصب سے پاک ہوکر معاشرے میں ہم آہنگی پیدا کرنے کی کوشش کی ہے۔

انہوں نے آزادی رائے کے علمبردار بننے والے اینکر ز کے بارے میں کہا کہ وہ طارق جمیل جیسے بزرگ کی حق بات پر آگ  بگولہ ہوگئے  لیکن وہ ان سیاست دانوں کو کچھ نہیں کہتے جو ببانگ دہل یہ اعلان کرتے ہیں کہ صحافی بکے ہوئے ہیں۔

حمیمہ ملک نے مزید  کہا کہ بزرگ کی توہین اور بےعزتی کرنا ہی ہمارا دین ہے کیا؟ مولانا صاحب ہم معذرت خواہ ہیں۔