شہرہ آفاق ترک ڈرامہ سیزیرارطغرل غازی میں حلیمہ سلطان کا کردارادا کر نے والی اداکارہ اسرا بلجیک نے پاکستانی مداحوں کوسرپرائز دیتے ہوئے اردو میں ایک پیغام سوشل میڈیا پر جا ری کیا ہے۔
تفصیلات کے مطابق اسرا بلجک (حلیمہ سلطان) نے اپنے پاکستانی مداحوں کے لیے اُردو زبان میں ایک خصوصی پیغام جاری کیا ہے جس میں اُنہوں نے بتایا ہے کہ وہ تُرکی سے باہر کسی بھی انتظامی کمپنی سے وابستہ نہیں ہیں۔
فوٹو اور ویڈیو شیئرنگ ایپ انسٹاگرام کی اسٹوری میں اسرا بلجک نے اُردو زبان میں لکھا کہ میری آفیشل مینجر اور واحد نمائندہ صرف ڈیوگو دروکان جیجی ہے تو آپ کسی بھی منصوبے،اشتراک یا شراکت داری کے لیے اِن سے رابطہ کر سکتے ہیں۔
واضح رہے کہ حال ہی میں اسرابلجک نے اپنے پاکستان کے ایک نجی اخبار کو دیے گئے اپنے انٹرویو میں اس بات کا انکشاف کیا تھا کہ وہ جلد ہی پاکستان کے 3 مقبول ترین برانڈز کے ساتھ کام کریں گی لیکن اِس حوالے سے اُنہوں نے برانڈز کے نام پوشیدہ ہی رکھے تھے اور کہا تھا کہ وہ جلد ہی پریس ریلیز کے ذریعے برانڈز کے نام بتائیں گی۔
