پاکستان شوبز انڈسٹری کے معروف اداکار فیروز خان کا طلاق کے بعد اپنی زندگی کے بارے میں بات کرتے ہوئے کہنا ہے کہ تکلیف کے بدلی تکلیف دینا صحیح نہیں ہے۔
فیروز خان نے فوٹو اینڈ ویڈیو شیئرنگ ایپ انسٹاگرام پر ایک ویڈیو پیغام دیا ہے۔
اُنہوں نے اپنے اس ویڈیو پیغام میں کہا کہ میری زندگی میں ایک وقت ایسا آیا جب مجھے سمجھ نہیں آرہا تھا کہ میں کیا کروں اور مجھے اپنا آپ بالکل تنہا محسوس ہوا کیونکہ ساری بندوقوں کا رُخ میری طرف تھا اور میرے پاس مدد مانگنے کے لیے صرف ایک اللّٰہ کا در تھا۔
اُنہوں نے کہا کہ لیکن اب وقت بدل گیا ہے اور میں ایک ایسی پوزیشن میں ہوں کہ میں وہی تکلیف جوکہ مجھے پہنچی میں قانونی طور پر ان لوگوں کو قانون طور پر پہنچا سکتا ہوں جنہوں نے مجھے تکلیف پہنچائی۔
فیروز خان نے کہا کہ مگر میں یہ سوچتا ہوں کہ تکلیف بدلے تکلیف دینا صحیح نہیں ہے ہمیں لوگوں کو معاف کردیا چاہیئے اور دوستی کا ہاتھ بڑھانا چاہیئے کیونکہ اللّٰہ تعالیٰ معافی کو، ہاتھ ملانے کو اور لوگوں کے لیے آسانیاں پیدا کرنے کو پسند کرتا ہے۔
اُنہوں نے کہا کہ اس لیے میں ان سب لوگوں کو معاف کرنے اور ان کے ساتھ صلح کرنے کے لیے تیار ہوں۔
اُنہوں نے آخر میں کہا کہ مجھے امید ہے کہ میرا یہ پیغام زیادہ سے زیادہ لوگوں تک پہنچے گا کیونکہ دنیا میں بہت سارے لوگ ایسے ہیں جوکہ دوسروں کو معاف کرکے زندگی میں آگے بڑھنا چاہتے ہیں اور دنیا میں تمام اچھی چیزیں ہوتے دیکھنا چاہتے ہیں۔
