فاریکس ایسوسی ایشن آف پاکستان (ایف اے پی) کے جاری کردہ ریٹس کے مطابق آج انٹربینک مارکیٹ میں ابتدائی ٹریڈنگ کے دوران روپے کی قدر میں ایک روپے 78 پیسے کی کمی واقع ہوئی۔
صبح 11 بج کر 26 منٹ کے قریب، کل کے 223 روپے 42 پیسے کے کلوزنگ ریٹ کے مقابلے میں ڈالر 225 روپے 20 پیسے پر ٹریڈ ہو رہا تھا۔
گزشتہ سیشن میں بھی روپے کے مقابلے ڈالر کی قدر میں 2 روپے کا اضافہ دیکھا گیا تھا۔
ملک بوستان نے کہا کہ اوپن مارکیٹ میں روپیہ 8 روپے مہنگا ہوا ہے، انہوں نے حکومت پر زور دیا کہ وہ اس فرق کو کم کرنے کے لیے اقدامات کرے۔
انہوں نے مزید کہا کہ حکومت کو اپنے سفارتی ذرائع کا استعمال کرتے ہوئے متحدہ عرب امارات کی حکومت کے اس قانون کو ختم کرنے کے لیے مذاکرات کرنے چاہئیں جس کے تحت پاکستان سے آنے والے تمام مسافروں کو 5 ہزار درہم نقد رقم لے جانے کا پابند کیا گیا ہے۔
ملک بوستان کا کہنا تھا کہ اگر دوست ممالک کی جانب سے اعلان کردہ 4 ارب ڈالر فوری طور پر پاکستان کو مل جاتے ہیں تو اس سے روپے پر دباؤ کم ہوگا اور اس کی قدر کو مستحکم کرنے میں مدد ملے گی۔
