امریکی صدر ڈونلڈ ٹرمپ نے2020 کا الیکشن لڑنے کیلئے 2019 کی پہلی سہہ ماہی میں 3 کروڑ ڈالر کے فنڈز جمع کر لیے۔ غیرملکی خبررساں ادارے کے مطابق امریکی صدر نے 2020 کا الیکشن لڑنے کیلئے 2019 کی پہلی سہہ ماہی میں 3 کروڑ ڈالر کے فنڈز جمع کر لیے، امریکی ڈیموکریٹک پارٹی کے سینیٹر برنی سینڈرز اور کمالاحارث نے 2019 کی پہلی سہ ماہی میں بالترتیب ایک کروڑ 82 اور ایک کروڑ 20 لاکھ امریکی ڈالر جمع کیے ،امریکی صدرڈونلڈٹرمپ نے 2020 میں دوبارہ الیکشن لڑنے کا فیصلہ کیا ہے جس کیلئے وہ فنڈ ریزنگ کر رہے ہیں۔ گذ شتہ الیکشن میں ٹرمپ کی پارٹی ریپبلکن نے سینیٹ اور ایوانِ نمائندگان میں بھی اکثریت حاصل کر کے ڈیموکریٹک پارٹی کو مشکل میں ڈال دیا تھا۔امریکہ کے وسط مدتی انتخابات میں رپبلکن پارٹی کو سینیٹ میں اکثریت ملی تھی تاہم ان کی حریف ڈیموکریٹک پارٹی کو ایوان نمائندگان میں8 سال بعد اکثریت حاصل ہوئی تھی۔ وسط مدتی انتخابات کے بعد صدر ٹرمپ کو اپنے ایجنڈے پرعمل درآمد کرنے میں رکاوٹوں کا سامنا کرنا پڑ رہا ہے۔وسط مدتی انتخابات کے نتائج کے کو 2020 میں ہونے والے صدارتی انتخاب کیلئے ریفرینڈم کے طور پر دیکھا جا رہا ہے۔
