اسٹاک ایکسیچنج میں شدید مندی، انڈیکس 1919 پوائنٹس تنزلی کے بعد 60 ہزار کی نفیساتی حد سے نیچے

اسٹاک ایکسیچنج میں شدید مندی، انڈیکس 1919 پوائنٹس تنزلی کے بعد 60 ہزار کی نفیساتی حد سے نیچے


پاکستان اسٹاک ایکسچینج میں ہفتے کے پہلے روز کاروبار کا آغاز منفی رجحان کے ساتھ شروع ہوا، آج کے ایس ای-100 انڈیکس 1919 پوائنٹس کمی کے بعد 60 ہزار کی نفیساتی حد سے بھی نیچے آگیا۔

پی ایس ایکس ویب سائٹ کے مطابق صبح تقریباً 10 بج کر 38 منٹ پر بینچ مارک کے ایس ای-100 انڈیکس 1548 پوائنٹس یا 2.46 فیصد تنزلی کے بعد 60 ہزار 186 پوائنٹس پر آگیا تھا۔

بعد ازاں، تقریباً 12 بج کر 46 منٹ پر انڈیکس مزید نیچے چلا گیا، اور کے ایس ای-100 انڈیکس 1919 پوائنٹس یا 3.11 فیصد کمی کے بعد 59 ہزار 785 کی سطح پر آگیا، جو گزشتہ ہفتے کے آخری روز 61 ہزرا 705 پر بند ہوا تھا۔

اسٹاک بروکر ظفر موتی والا نے بتایا کہ اسٹاک مارکیٹ میں بدترین مندی کو سیاسی عدم استحکام سے جوڑ دیا۔

واضح رہے کہ سال کے آخر میں شیئر بڑی تعداد میں بیچے جاتے ہیں، جس سے مارکیٹ میں مندی کا رجحان بڑھ جاتا ہے۔

اسٹاک بروکر ظفر موتی والا نے امید ظاہر کی کہ آئندہ سال جنوری میں اسٹاک مارکیٹ میں تیزی کا تسلسل دوبارہ قائم ہوسکے گا۔

خیال رہے کہ گزشتہ ہفتے کے پہلے روز (18 دسمبر) کے ایس ای-100انڈیکس میں 925 پوائنٹس کی کمی دیکھی گئی تھی، جبکہ گزشتہ ہفتے انڈیکس 4,425 تنزلی بعد 62 ہزار کی نفسیاتی حد سے نیچے آگیا تھا، جب کہ آغاز پر یہ 66 ہزار 130 پوائنٹس کی بُلند سطح پر تھا۔

گزشتہ چند ماہ سے پاکستان اسٹاک ایکسچینج میں ریکارڈ تیزی کا سلسلہ جاری ہے، 3 نومبر کو ساڑھے 6 سال بعد انڈیکس 53 ہزار پوائنٹس کی حد عبور کر گیا تھا، جبکہ 10 دسمبر کو کے ایس ای-100 انڈیکس پہلے 65 ہزار اور بعد ازاں تاریخ میں پہلی بار 66 ہزار کی نئی بُلند ترین سطح پر پہنچ گیا تھا۔

7 دسمبر کو پی ایس ایکس بینچ مارک کے ایس ای-100 انڈیکس 800 پوائنٹس اضافے کے بعد تاریخ میں پہلی بار 64 ہزار کی نئی بُلند ترین سطح پر پہنچ گیا تھا۔

6 دسمبر کو بھی پی ایس ایکس میں تاریخی سنگ میل عبور کرنے کا سلسلہ جاری رہا، اور بینچ مارک کے ایس ای-100 انڈیکس تاریخ میں پہلی بار 63 ہزار کی نئی بُلند ترین سطح پر پہنچ گیا تھا۔

اس سے قبل 4 دسمبر کو 100 انڈیکس 802 پوائنٹس یا 1.3 فیصد اضافے کے بعد 62 ہزار 493 پوائنٹس پر پہنچ گیا تھا۔


اپنا تبصرہ لکھیں