پاکستان شوبزانڈسٹری کی اداکارہ غنیٰ علی نے مختلف ہٹ ڈراموں میں کام کر کے اپنا نام بنایا ہے۔
ماڈل اور اداکارہ غنیٰ علی اکثر سوشل میڈیا پر اپنی تصاویر اور ویڈیوز شیئر کرتی رہتی ہیں لیکن کئی بار انہیں اپنے بولڈ انداز کی وجہ سے تنقید کا نشانہ بھی کرنا پرتا ہے۔
انہیں ڈریسنگ میں مغربی انداز پسند ہے اور ہم انہیں زیادہ تر مغربی لباس میں ہی دیکھتے ہیں جسے وہ اعتماد کے ساتھ کیری کرتی نظر آتی ہیں۔
حال ہی میں انہوں نے سوشل میڈیا پر اپنی کچھ تصاویر شئیر کی جو آتے ہی چھا گئیں۔
تصاویر دیکھیں:
اداکارہ کو اکثر شادی شدہ مرد سے شادی کرنے پر تنقید کا سامنا کرنا پڑتا ہے تاہم وہ تنقید کی پرواہ نہیں کرتیں اور ناقدین کا منہ بند کر دیتی ہیں۔
حال ہی میں پہلی بار اداکارہ نے اپنے شوہر عمیر گلزار کی پہلی شادی اور گھر برباد کرنے کے بارے میں تمام افواہوں کو مسترد کر تے ہوئے کہا کہ سب سے پہلے مجھے بتایا گیا تھا کہ میرے شوہر کی پہلی بیوی کو کچھ نہیں معلوم، یہ ممکن نہیں ہے، خاص طور پر جب ہم نے اس معاملے کا اعلان کیا، سب کو اس کا علم تھا۔
غنیٰ علی نے کہا کہ لوگوں نے میرے بارے میں بہت برا بھلاکہا، انہوں نے مجھ پر لعنت بھیجی، میرے بچے کو برا بھلا کہا، مجھے باتیں سن کر صدمہ پہنچا، اس طرح مجھے لگتا ہے کہ یہ افواہیں جان بوجھ کر بنائی گئی تھیں اور میرے شوہر کو متحرک کرنے کے لیے پھیلائی گئی تھیں۔
اداکارہ نے کہا کہ صرف چند لوگ ہی مجھے سمجھتے ہیں اور میرا ساتھ دیتے ہیں باقی سب نے مجھے برا بھلا کہا میں سب کے بارے میں برا محسوس کر رہی تھی۔
غنیٰ علی نے کہا کہ اس طرح کی تنقید کا سامنا پہلے کبھی نہیں کیا ،حتیٰ کہ جب میرا ’آئٹم سانگ‘آیا تھا تو اسے مداحوں کی جانب سے خوب پسند کیا گیا۔
گھر کی تباہی سے متعلق سوال کا جواب دیتے ہوئے انہوں نے کہا کہ اگر کسی کو اپنے شوہر سے کوئی مسئلہ ہے تو وہ اس کے ساتھ مل کر حل کرے، گھر کی تباہی کا الزام تیسرے شخص پر نہ ڈالیں۔
اداکارہ نے مزید کہا کہ میں تبصروں کا جواب بھی دیتی تھی لیکن پھر مجھے احساس ہوا کہ اس سے معاملہ مزید بڑھے گا اس لیے میں نے تبصرہ کرنا چھوڑ دیا، آخر کار اس سے کسی کو کچھ حاصل نہیں ہوا۔
