اب شریف آدمی والی زندگی نہیں گزاروں گا

شائقین کرکٹ کی پُر زور فرمائش پر راک اسٹارعلی ظفر کی جانب سےتیار کیے گئے ترانے ’میلہ لوٹ لیا‘ نے ریلیز ہوتے ہی تہلکہ مچا دیا۔

تفصیلات کے مطابق گزشتہ روز ایک نجی ٹی وی کے پروگرام سے بات کر تے ہوئےعلی ظفر کا کہنا تھا کہ شریف آدمی کو چھیڑا جائے تو وہ شرافت کی زندگی چھوڑ دیتا ہے،  اب میرا نیا(بھائی) روپ دیکھیں گے۔

پاکستانی گلوکار و اداکار اور میوزک کمپوزر علی ظفر نے کہا کہ شریف آدمی والی زندگی بہت گزار لی اب سب میرا نیا روپ دیکھیں گے۔

گلوکار کا کہنا تھا کہ جو بات شاعری میں کی جائے اس سے بہتر اظہار ہو نہیں سکتا،  جب میلہ لگتا ہے تو آپ یا تو اس میں کھو جاتے ہیں یا پھر میلہ اپنے نام کرلیتے ہیں۔

راک اسٹار کا کہنا تھا کہ علی عظمت کی ہمیشہ سے عزت کرتا ہوں کیونکہ وہ ہمارے اسٹار ہیں، انہوں نے ڈانس کی ویڈیو بھیجنے کا اعلان تو کیا مگر مجھے موصول نہیں ہوئی اگر وہ بھی بھیج دیتے تو اچھا تھا۔

علی ظفر نے میزبان کے سوالوں کے جواب دیتے ہو ئے کہا کہ ہماری میوزک انڈسٹری بہت چھوٹی ہے جہاں ہم سب بھائیوں کی طرح رہتے ہیں،  بھائیوں میں بھی تھوڑی بہت لڑائی ہوجاتی ہے مگر ہم دل میں کسی کی کوئی بات دل میں نہیں رکھتے۔

گزشتہ روز میلہ لو ٹ لیا کی ویڈیو شیئر کرتے ہوئے علی ظفر کا کہنا تھا کہ ’بھائی نے اپنا وعدہ پورا کیا صرف فینز کے لیے۔