شاہ رخ خان کے بیٹے آریان خان نے حال ہی میں یونیورسٹی آف سدرن کیلیفورنیا (USC) اسکول آف سنیمیٹک آرٹس سے گریجویشن کیا ہے، گریجویشن تقریب کی تصاویر بھی وائرل ہوئیں۔
اب، الزبتھ ڈیلی، ڈین، یو ایس سی اسکول آف سنیمیٹک آرٹس، اور ڈاکٹر پریا جئے کمار، سینما اور میڈیا اسٹڈیز کے ڈویژن کی پروفیسر اور چیئر، USC اسکول آف سنیمیٹک آرٹس نے آریان کے بارے میں بات کی ہے۔
ایک انٹرویو کے دوران یو ایس سی اسکول آف سنیمیٹک آرٹس کی ڈین، الزبتھ ڈیلی، اور یو ایس سی اسکول آف سنیمیٹک آرٹس کے ڈویژن آف سنیما اینڈ میڈیا اسٹڈیز کی پروفیسر اور چیئر ڈاکٹر پریا جے کمار سے شاہ رخ خان کے بیٹے آریان خان کے بارے میں پوچھا گیا جو وہاں طالب علم تھے۔
انہوں نے نہ صرف ان کی ویب سیریز کے بارے میں بات کی بلکہ یہ بھی کہا کہ وہ کورونا کی وجہ سے ان سے کبھی ذاتی طور پر نہیں ملے۔
انہوں نے مزید کہا، “آریان کا ایک اسٹریمنگ شو آرہا ہے اور جس کا انہوں نے ذکر کیا وہ یہ تھا کہ وہ USC اور سنیماٹک آرٹس میں اپنے وقت سے بہت متاثر تھے۔ لہذا، وہ وہاں سے کم از کم 2-3 دوسرے لوگوں کے ساتھ کام کر رہے ہیں۔
خیال رہے کہ آریان خان نے خود اعلان کیا تھا کہ انہوں نے اپنے پہلے پروجیکٹ کی تحریر مکمل کرلی ہے جو کہ ایک ویب سیریز ہے۔ وہ اس شو کے ڈائریکٹر اور شو رنر ہوں گے، جس کا نام مبینہ طور پر ’اسٹارڈم‘ ہے، اور اس کی شوٹنگ بھی شروع ہو چکی ہے۔
رپورٹس کے مطابق یہ سیریز چھ اقساط پر مشتمل ہوگی جسے ایس آر کے اور گوری کی ریڈ چلیز انٹرٹینمنٹ کی حمایت حاصل ہے۔
