وِکٹوریہ بیکہم اور نکولا پیلٹز کے درمیان جاری کشیدگی کافی عرصے سے خبروں میں ہے۔ فیشن ڈیزائنر وِکٹوریہ (51 سالہ) اور اداکارہ نکولا (30 سالہ) کے تعلقات میں 2022 میں ہونے والی نکولا کی شادی کے لباس پر اختلافات پیدا ہوئے۔
پیپل میگزین کے مطابق، پیلٹز خاندان کے ایک قریبی ذرائع نے بیکہم اور ان کی بہو کے درمیان اس چپقلش کی وجہ کا انکشاف کیا ہے۔ ذرائع نے بتایا کہ جب نکولا اور بروکلین بیکہم کی منگنی ہوئی تو وِکٹوریہ نے نکولا سے کہا کہ وہ ان کی شادی کا جوڑا بنا کر خوش ہوں گی، جس پر نکولا نے اسے اعزاز سمجھا اور کہا کہ وہ ان کے بنائے ہوئے لباس کو پہننا پسند کریں گی۔ اس پیشکش سے سب کو لگا کہ یہ شادی میں ایک خاص دلکشی کا اضافہ کرے گا۔
تاہم، ذرائع نے مزید انکشاف کیا کہ وقت گزرنے کے ساتھ یہ واضح ہو گیا کہ وِکٹوریہ لباس بنانے کے حوالے سے سنجیدہ نہیں تھیں اور بالآخر انہوں نے نکولا کی والدہ کو فون کیا، بجائے خود نکولا سے بات کرنے کے، اور اعتراف کیا کہ وہ لباس نہیں بنا پائیں گی۔ ذرائع نے غصے سے کہا، “نکولا کو اس طرح پیش کیا گیا جیسے وہ نخرے باز ہو، صرف اس لیے کہ انہوں نے وِکٹوریہ بیکہم کا لباس نہیں پہنا۔” ذرائع نے مزید وضاحت کی کہ “نکولا وِکٹوریہ بیکہم کے بے شمار فیشن شوز اور تقریبات میں وِکٹوریہ کے لباس پہن کر شرکت کر چکی تھیں۔ انہوں نے اپنی فلم ‘لولا’ کے پریمیئر میں بھی وِکٹوریہ بیکہم کا لباس پہنا تھا۔” واضح رہے کہ نکولا پیلٹز کی ہدایت کاری اور تحریر کردہ فلم ‘لولا’ کا پریمیئر ان کی شادی کے تقریباً دو سال بعد 3 فروری 2024 کو منعقد ہوا۔
