معروف گلوکارہ ٹیلر سوئفٹ کو رواں ماہ نیو اورلینز میں ہونے والے سپر باؤل LIX کے دوران مداحوں کی جانب سے ناپسندیدگی کا سامنا کرنا پڑا، جس کے بعد انہیں بھاری نقصان اٹھانا پڑا۔
اسپورٹس ملینز کے مطابق، Lover کی گلوکارہ، جو این ایف ایل اسٹار ٹریوس کیلسی کے ساتھ تعلق میں ہیں، انسٹاگرام پر تقریباً 1.5 لاکھ فالوورز سے محروم ہو گئی ہیں۔
دوسری جانب، ان کے بوائے فرینڈ کو اس عرصے میں فائدہ ہوا اور انہوں نے 12,370 نئے فالوورز حاصل کیے، حالانکہ 9 فروری کو ہونے والے میچ میں ان کی ٹیم کینساس سٹی چیفس، فلاڈیلفیا ایگلز سے شکست کھا گئی تھی۔
نیویارک پوسٹ کے مطابق، اس مشہور جوڑی کے سوشل میڈیا فالوورز کے اعداد و شمار سوشل بلیڈ نامی اینالیٹکس ویب سائٹ کے ذریعے جمع کیے گئے۔
بڑے نقصان کے باوجود، Back to December گانے کی گلوکارہ کے انسٹاگرام پر اب بھی 282 ملین فالوورز موجود ہیں، جبکہ کیلسی کے فالوورز کی تعداد 6.7 ملین ہو چکی ہے۔
سوئفٹ کے فالوورز میں کمی چند روز بعد دیکھنے میں آئی جب وہ سپر باؤل کی ستاروں سے سجی تقریب میں شرکت کے لیے قیصر سپرڈوم پہنچیں۔
اس شاندار میچ کے دوران، اسٹیڈیم میں ایک موقع پر بڑے جمبوٹرون اسکرین پر سوئفٹ کی جھلک دکھائی گئی، جہاں وہ وی آئی پی سوئٹ میں بیٹھی تھیں۔
تاہم، اس لمحے میں ہجوم کی طرف سے انہیں بوز کا سامنا کرنا پڑا، جس پر وہ حیران رہ گئیں، بعد میں انہوں نے ایک سائیڈ آئی دی اور مختصر طور پر اپنے قریب بیٹھے دوست سے بات کی۔
