جیجو ایئر کے طیارے کی تباہی کا سبب ابھی تک نہیں معلوم ہو سکا، تحقیقات جاری ہیں
سیول: جنوبی کوریا کے ٹرانسپورٹ وزارت نے ہفتے کو بتایا کہ 179 افراد کی ہلاکت کا سبب بننے والے جیجو ایئر کے طیارے کے بلیک باکس نے حادثے سے چار منٹ پہلے ریکارڈنگ بند کر دی تھی۔
یہ بوئنگ 737-800 طیارہ 29 دسمبر کو تھائی لینڈ سے جنوبی کوریا کے موان ایئرپورٹ جا رہا تھا اور حادثے کے وقت اس میں 181 مسافر اور عملہ موجود تھا۔ طیارہ ایئرپورٹ پر پٹخ کر ایک کنکریٹ کی رکاوٹ سے ٹکرا گیا جس کے نتیجے میں آگ لگ گئی۔ یہ جنوبی کوریا کی تاریخ کا سب سے بڑا فضائی حادثہ تھا۔
ٹرانسپورٹ وزارت نے کہا کہ “تجزیے سے یہ بات سامنے آئی ہے کہ سی وی آر اور ایف ڈی آر دونوں ریکارڈنگ آلات نے حادثے کے چار منٹ قبل ڈیٹا ریکارڈ کرنا بند کر دیا تھا۔”
تحقیقات کے مطابق پرواز کے آخری لمحوں میں طیارے کے بلیک باکس میں ڈیٹا کا نقصان ہوا ہے، جس سے حکام کو حادثے کی وجوہات کا تعین کرنے میں مشکل پیش آ رہی ہے۔
تحقیقات میں پرندے کے ٹکراؤ، لینڈنگ گیئر میں خرابی اور رن وے پر موجود رکاوٹ کو ممکنہ وجوہات کے طور پر بتایا گیا ہے۔
