وزیراعظم شہباز شریف 3 اور 4 دسمبر 2024 کو ریاض میں ہونے والی “ون واٹر سمٹ” میں شرکت کریں گے۔ سعودی عرب، فرانس، قازقستان اور ورلڈ بینک کی مشترکہ کوشش سے ہونے والا یہ سمٹ عالمی سطح پر آبی وسائل کے انتظام میں تعاون کو فروغ دینے کی کوشش ہے۔ وزیراعظم شہباز اس دوران پانی کے تحفظ اور جھیلوں کی بحالی پر توجہ مرکوز کرنے والے اجلاس سے خطاب کریں گے۔
وزیراعظم پاکستان کی پانی کے تحفظ، پانی کی معیار میں بہتری اور ماحولیاتی تبدیلیوں سے نمٹنے کے اقدامات کو اجاگر کریں گے۔ وہ عالمی سطح پر سیلابوں اور موسمی تغیرات جیسے چیلنجز کا مقابلہ کرنے کے لیے تعاون کی ضرورت پر زور دیں گے۔ ریاض میں اپنے قیام کے دوران، وزیراعظم سعودی عرب کے ساتھ دوطرفہ ملاقاتیں بھی کریں گے اور دونوں ممالک کے درمیان سرمایہ کاری کے منصوبوں میں اہم پیشرفت کو سراہیں گے۔
