24 بار کے گرینڈ سلیم فاتح جوکووچ نے گزشتہ ہفتے آسٹریلین اوپن کے سیمی فائنل میں ایلکسینڈر زویریو کے خلاف میچ کے دوران غیر متوقع طور پر ریٹائرمنٹ لے کر مداحوں کو مایوس کیا تھا۔ وہ اپنی انجری کی وجہ سے سربیا ڈیوس کپ کے ٹائی سے دستبردار ہو گئے جو انہوں نے ٹورنامنٹ کے کوارٹر فائنل میں کارلوس آلوکاراز کے خلاف حاصل کی تھی۔
سربیا ٹینس فیڈریشن (TSS) نے تصدیق کی کہ عالمی نمبر 6 کھلاڑی 31 جنوری سے 2 فروری 2025 تک کوپن ہیگن میں ہونے والے پہلے راؤنڈ کوالیفائنگ ٹائی کے لیے ٹورنامنٹ میں حصہ نہیں لیں گے۔
سربیا کے کپتان وکٹور ٹروئیکی نے کہا، “ہمارا کھیلنوواک کے نہ کھیلنے کی وجہ سے کمزور ہو چکا ہے، مگر ہم اب بھی جیتنے کے لیے جا رہے ہیں۔ ڈینش کے پاس ہولگر رونے جیسا زبردست کھلاڑی ہے، لیکن ہمارے کھلاڑی بھی شاندار ہیں اور میں اپنی ٹیم پر یقین رکھتا ہوں۔”
مزید برآں، پیرس اولمپک گولڈ میڈلسٹ کو میلبورن پارک میں تماشائیوں کی جانب سے بیزتی کا سامنا کرنا پڑا اور بعد میں ان کے سیمی فائنل میں ناکامی پر سوشل میڈیا پر مذاق اُڑایا گیا۔
جس پر 37 سالہ کھلاڑی نے X پر اپنی ایم آر آئی اسکین کی تصویر پوسٹ کرتے ہوئے لکھا، “سوچا آپ سب کے لیے یہاں چھوڑ دوں تاکہ کھیل کے انجری ‘ماہرین’ کو نظر آئے۔”
یاد رہے کہ جوکووچ نے 2010 میں سربیا کے قومی ٹیم کے ساتھ فرانس کے خلاف بیلگریڈ میں شاندار فتح حاصل کرتے ہوئے سربیا ڈیوس کپ ٹرافی جیتی تھی۔
