وزارت خزانہ نے 16 فروری (اتوار) سے شروع ہونے والے اگلے پندرہ دن کے لیے پیٹرولیم مصنوعات کی قیمتوں میں کمی کا اعلان کر دیا۔
تفصیلات کے مطابق، سرکاری نوٹیفکیشن جاری ہونے کے بعد پیٹرول کی قیمت میں ایک روپے فی لیٹر کمی کی گئی ہے، جس کے بعد نئی قیمت 256.13 روپے فی لیٹر مقرر کی گئی ہے۔
ہائی اسپیڈ ڈیزل کی قیمت میں نمایاں کمی کرتے ہوئے 4 روپے فی لیٹر کم کر دی گئی، جس کے بعد اس کی نئی قیمت 263.95 روپے فی لیٹر ہو گئی۔
مٹی کے تیل کی قیمت میں 3 روپے 20 پیسے کمی کی گئی، جس کے بعد اس کی نئی قیمت 171.65 روپے فی لیٹر مقرر کی گئی ہے۔
اس کے علاوہ، لائٹ ڈیزل آئل کی قیمت میں 5 روپے 25 پیسے کی کمی کی گئی، جس کے بعد اس کی نئی قیمت 155.81 روپے فی لیٹر ہو گئی۔
یہ نئی قیمتیں رات 12 بجے سے نافذ العمل ہو چکی ہیں اور اگلے 15 دن تک برقرار رہیں گی، سرکاری نوٹیفکیشن کے مطابق۔
