گیگی حدید کی بڑی بہن، ماریل حدید نے ٹیلر سوئفٹ اور ٹریوس کیلسی کے رشتے میں اپنے کردار کے بارے میں کھل کر بات کی ہے۔ ‘نائس گرل ڈونٹ ون’ پوڈ کاسٹ میں شامل ہوتے ہوئے، انہوں نے سانتا کلارا، کیلیفورنیا میں ٹیلر سوئفٹ کے ایرا ٹور کنسرٹ میں ان کے ساتھ گزارے وقت کو تفصیل سے یاد کیا۔
کنسرٹ شروع ہونے سے پہلے، ماریل، گیگی اور ٹیلر نے ٹیرو کارڈز کھیلنے کا فیصلہ کیا، اور اس وقت ‘لور’ گلوکارہ نے “کہا کہ انہوں نے پہلے کبھی ٹیرو کارڈ ریڈنگ نہیں کروائی تھی۔”
ماریل نے بتایا، “میں نے اس کے لیے ایک کارڈ نکالا تھا۔” 2023 کے اوائل میں، کیلسی نے عوامی طور پر 14 بار کی گریمی ایوارڈ یافتہ گلوکارہ کے ساتھ وقت گزارنے کی خواہش کا اظہار کیا تھا۔
ماریل نے مزید کہا، “میں نے کچھ ایسا دیکھا تھا جہاں اس کے بوائے فرینڈ نے کہا تھا کہ وہ اس کے ساتھ ڈیٹ کرنا چاہتا ہے، اور میں نے گیگی کو بتایا کہ مجھے لگتا ہے کہ انہیں ڈیٹ کرنا چاہیے۔” “یہ ان کے اصل میں ملنے سے پہلے کی بات تھی۔ میں نے اس کے لیے یہ کارڈ نکالا تھا اور مجھے ٹھیک سے یاد نہیں کہ یہ کون سا ڈیک تھا لیکن مجھے یاد ہے کہ یہ اسی سے متعلق تھا اور اس ریڈنگ میں ‘تیزی سے’ (swiftly) کا لفظ شامل تھا۔”
آخر میں، ماریل حدید نے کہا، “یہ واقعی زبردست تھا، میں اس کی پوری ذمہ داری لیتی ہوں — سوائے اس کے کہ اگر وہ ٹوٹ جاتے ہیں، تو یہ میرا مسئلہ نہیں ہے۔”
واضح رہے کہ ٹیلر سوئفٹ اور ٹریوس کیلسی نے ستمبر 2023 میں اپنے رشتے کی تصدیق کی تھی۔
