کرّم میں جاری بدامنی کے نتیجے میں صحت کی سہولیات میں شدید کمی اور ادویات کی قلت نے صورتحال کو سنگین بنا دیا ہے۔ مقامی ذرائع کے مطابق، طبی امداد کی عدم فراہمی کے باعث تقریباً 29 بچے جاں بحق ہو چکے ہیں۔
مقامی اسپتالوں میں ضروری دواؤں کی عدم دستیابی اور نقل و حمل کے مسائل نے متاثرہ علاقوں میں بحران کو مزید پیچیدہ بنا دیا ہے۔ والدین اور مقامی لوگوں نے حکومت سے فوری مدد کی اپیل کرتے ہوئے مطالبہ کیا ہے کہ امن و امان کی بحالی اور طبی سہولیات کی فراہمی کو یقینی بنایا جائے۔
