ویسٹ منسٹر ایبی میں وی ای ڈے کی 80 ویں سالگرہ کی یادگاری تقریب میں کیٹ مڈلٹن کی شرکت نے سب کو حیران کر دیا۔ اس تقریب کے لیے، شہزادہ ولیم کی اہلیہ کیٹ نے اپنے لباس کے ذریعے اپنی ساس شہزادی ڈائنا کو خراجِ تحسین پیش کیا۔
اپنی پسندیدہ الیساندرا رِچ کی لباس کو دوبارہ پہن کر، کیٹ نے شہزادی ڈائنا کے ایک مشہور انداز کی یاد دلائی۔ کیٹ کے سفید لباس میں لمبی آستینیں اور اونچا گلا تھا، جس میں کمر اور گردن کے گرد پلیٹیں تھیں۔
دوسری جانب، ڈائنا کا لباس 1988 میں رائل ایسکوٹ میں پہنا ہوا ان کا پولکا ڈاٹ والا سفید مِڈی لباس تھا۔ ڈائنا کے لباس میں بھی کمر کے گرد ہلکی پلیٹنگ تھی۔ شہزادی ڈائنا، شہزادہ ولیم اور شہزادہ ہیری کی والدہ اور شاہ چارلس کی سابقہ اہلیہ، 31 اگست 1997 کو وفات پا گئیں۔
قابلِ ذکر بات یہ ہے کہ کیٹ مڈلٹن کی جانب سے یہ خراجِ تحسین شہزادہ ہیری کے تہلکہ خیز انٹرویو کے چند دن بعد سامنے آیا ہے۔ بی بی سی سے گفتگو کرتے ہوئے، ڈیوک آف سسیکس نے حیران کن دعوے کیے ہیں جس کی وجہ سے شاہی خاندان کے ساتھ ان کی دوری مزید بڑھ گئی ہے۔ ہیری نے دعویٰ کیا کہ وہ اپنے والد شاہ چارلس کے ساتھ “صلح کرنا پسند کریں گے”، انہوں نے مزید کہا کہ “مجھے نہیں معلوم کہ میرے والد کے پاس کتنا وقت باقی ہے۔” انہوں نے یہ بھی تسلیم کیا کہ شاہی خاندان کے کچھ افراد انہیں اپنی لکھی ہوئی کتاب ‘سپئیر’ کے لیے کبھی معاف نہیں کریں گے۔ ڈیوک آف سسیکس نے کہا، “میرے خاندان کے کچھ افراد مجھے کتاب لکھنے پر کبھی معاف نہیں کریں گے۔ یقیناً وہ مجھے بہت سی چیزوں کے لیے کبھی معاف نہیں کریں گے۔”
