کراچی میں سردی کا موسم شدت اختیار کر رہا ہے۔ محکمہ موسمیات کے مطابق آنے والے دنوں میں درجہ حرارت مزید کم ہو سکتا ہے، اور راتیں مزید سرد ہو جائیں گی۔ توقع ہے کہ کم سے کم درجہ حرارت 10 سے 11 ڈگری سینٹی گریڈ کے درمیان رہے گا، جبکہ دن کے وقت موسم خشک اور ٹھنڈا رہے گا۔ ہوا کی رفتار معتدل ہے، جو شمال مغرب سے چل رہی ہے۔
بالائی سندھ اور بلوچستان کے کچھ علاقوں میں درجہ حرارت 7 ڈگری سینٹی گریڈ تک گرنے کی پیش گوئی ہے۔ شمالی بلوچستان کے علاقوں میں بارش اور ژالہ باری کے بعد شدید سردی کی لہر دیکھی گئی ہے، جہاں درجہ حرارت منفی 7 ڈگری تک گر سکتا ہے۔
ملک کے دیگر حصوں میں بھی موسم سرما کی شدت میں اضافہ ہو رہا ہے۔ خیبرپختونخوا اور گلگت بلتستان کے پہاڑی علاقوں میں برفباری متوقع ہے۔ پنجاب اور سندھ کے میدانی علاقوں میں صبح اور رات کے وقت دھند چھانے کی پیشن گوئی کی گئی ہے۔
