چھ ملکی گلف کوآپریشن کونسل (GCC) نے سعودی عرب میں فلسطینی ریاست کے قیام سے متعلق اسرائیلی وزیراعظم بینجمن نیتن یاہو کے بیانات کی شدید مذمت کی ہے اور انہیں “خطرناک اور غیر ذمہ دار” قرار دیا ہے۔
GCC کے سیکرٹری جنرل جاسم محمد البدویوی نے کہا کہ نیتن یاہو کے بیانات اسرائیلی قبضے کی طرف سے بین الاقوامی قوانین، اقوام متحدہ کے معاہدوں، اور ریاستوں کی خودمختاری کی بے حرمتی کا اظہار کرتے ہیں۔
انہوں نے فلسطینی عوام کے جائز حقوق کے لیے GCC کی غیر متزلزل حمایت کا اعادہ کیا اور آزاد فلسطینی ریاست کے قیام کی ضرورت پر زور دیا، جس کا دارالحکومت مقبوضہ مشرقی یروشلم ہو۔
البدویوی نے مزید کہا کہ عالمی برادری کو “اسرائیلی جارحانہ بیانات” کے خلاف سخت موقف اختیار کرنا چاہیے اور خبردار کیا کہ ایسی تقاریر علاقائی اور عالمی استحکام کے لیے خطرہ بن سکتی ہیں۔
