جمعرات کے روز، چین نے اپنے پندرہویں عملے کے ساتھ خلائی پرواز اور شینژو پروگرام کے تحت مجموعی طور پر بیسویں پرواز میں تین خلابازوں کو اپنے مستقل طور پر آباد خلائی اسٹیشن کی طرف روانہ کیا۔ یہ پروگرام تین دہائیوں سے زائد عرصے سے جاری ہے۔
سرکاری نشریاتی ادارے سی سی ٹی وی کے مطابق، شینژو-20 خلائی جہاز اور عملے نے شمال مغربی چین میں واقع جیوکوان سیٹلائٹ لانچ سینٹر سے شام 5 بج کر 17 منٹ (0917 جی ایم ٹی) پر لانگ مارچ-2 ایف راکٹ کے ذریعے اڑان بھری۔
سرکاری خبر رساں ایجنسی ژنہوا نے اس کے فوراً بعد اطلاع دی کہ لانچ کامیاب رہا۔
یہ لانچ ایسے وقت میں ہوا ہے جب چاند اور خلائی تحقیق میں چین کی پیشرفتیں زیادہ سے زیادہ ممالک کو اپنی طرف متوجہ کر رہی ہیں۔ پاکستان بھی خلابازوں کے ابتدائی انتخاب کے عمل سے گزر رہا ہے، جن میں سے ایک مستقبل میں شینژو خلائی پرواز کے ذریعے خلا میں بھیجا جائے گا اور وہ چین کے تیانگونگ خلائی اسٹیشن میں داخل ہونے والا پہلا غیر ملکی خلاباز بنے گا۔
