وفاقی حکومت نے اپنی اقتصادی پالیسیوں کے اثرات کو اجاگر کرنے کے لئے ای سی سی (اکنامک کوآرڈینیشن کمیٹی) کے اجلاس میں 44 ارب روپے کی اضافی گرانٹس کی منظوری دی۔ وزیر خزانہ محمد اورنگ زیب نے اجلاس کی ابتدائی نشست میں معاشی استحکام کے دعوے کئے، جن میں کرنٹ اکاؤنٹ سرپلس، کم مہنگائی اور کاروباری اعتماد میں بہتری شامل ہے۔ اس اجلاس میں مختلف وزارتوں کو گرانٹس مختص کرنے کے علاوہ، کسانوں کے لئے یوریا سبسڈی کے لئے وفاقی و صوبائی حکومتوں کے درمیان 50:50 شراکت داری کی منظوری دی گئی۔ وزارت اطلاعات و نشریات کے لیے 536 ملین روپے کی گرانٹ منظور کی گئی تاکہ حکومت کی اقتصادی کامیابیوں کو اجاگر کیا جا سکے۔
