پاکستانی امریکی علی شیخانی نے ٹیکساس کے فورٹ بینڈ کاؤنٹی میں کانسٹیبل کے طور پر حلف اٹھا کر تاریخ رقم کی ہے۔ وہ فورٹ بینڈ کاؤنٹی کے پرسی نکٹ 3 سے منتخب ہوئے ہیں۔
ایک شاندار تقریب میں شیخانی نے اپنا حلف اٹھایا اور کہا، “میں علی شیخانی، یہ عہد کرتا ہوں کہ فورٹ بینڈ کاؤنٹی کانسٹیبل کے طور پر اپنے فرائض ایمانداری سے ادا کروں گا۔”
شیخانی نے اس موقع پر کہا کہ یہ ان کی زندگی کا سب سے حیرت انگیز دن ہے اور وہ اپنے وعدوں کو پورا کرنے کے لیے پُرعزم ہیں۔
وہ ایک کاروباری شخصیت ہیں جنہوں نے اس عہدے کے لیے انتخابی مہم میں حصہ لیا اور کامیابی حاصل کی، انہوں نے 2024 کے نومبر میں اپنے حریف نبیل شِیکے کو شکست دی۔
شیخانی نے اپنی کامیابی کی کلید انتخابی مہم اور معروف تنظیموں اور شخصیات کی حمایت کو بتایا۔
وہ انتخابی وعدوں کے مطابق محلہ جات میں اضافی پیٹرول افسران تعینات کرنے، اسکولوں کے علاقے میں سیکورٹی بڑھانے اور شہریوں کی حفاظت کے لیے پولیس کو مزید وسائل فراہم کرنے کے لیے کام کرنے کا عہد کر چکے ہیں۔
ان کے لیے یہ کامیابی ایک تاریخی لمحہ ہے کیونکہ امریکی کانسٹیبل ایک آزاد قانون نافذ کرنے والا افسر ہوتا ہے جس کا بنیادی کام جرائم کی تحقیقات کرنا اور ملزمان کو گرفتار کرنا ہے۔
شیخانی نے حال ہی میں قانون کے شعبے میں گریجویشن کی ہے اور انہیں پاکستانی امریکی رابیہ کولیئر نے حلف دلایا۔
