پاک چین اقتصادی راہداری (سی پیک) اتھارٹی کے چیئرمین و وزیراعظم عمران خان کے معاون خصوصی برائے اطلاعات لیفٹیننٹ جنرل (ر) عاصم سلیم باجوہ نے کہا ہے کہ افغان ٹرانزٹ تجارت کے حوالے سے پہلا کارگو جہاز سامان لیکر گوادر بندر گاہ پہنچ گیا۔
عاصم سلیم باجوہ نے اپنی ٹوئٹ میں بتایا کہ گندم اور یوریا کی سپلائی لیکر پہلا کارگو جہاز گوادر پورٹ پہنچ گیا ہے، یہ کارگو شپ افغان ٹرانزٹ تجارت کیلئے سامان لیکر اس ہفتے پہنچا ہے۔
Asim Saleem Bajwa@AsimSBajwaFirst bulk-cargo ship “MV Manet” carrying wheat n urea of Afghan Transit trade reached Gwadar this week-a dream come true for local economy as it will stimulate host of business activity… #cpec #CPECMakingProgress
انہوں نے کہا کہ کارگو جہاز کا گوادر پہنچنا مقامی معیشت کے حوالے سے خواب کا شرمندہ تعبیر ہونا ہے، کارگو جہاز کی گوادر بندرگاہ آمد سے کاروباری سرگرمیاں بڑھیں گی۔
خیال رہے کہ رواں سال 20 اپریل کو وزیراعظم عمران خان کے مشیر برائے تجارت رزاق داؤد نے کہا تھا کہ بزنس کمیونٹی اور شپنگ انڈسٹری نے گوادر پورٹ آپریشنل کرنے کا مطالبہ کیا تھا جس کے بعد وزارت تجارت نے افغان ٹرانزٹ ٹریڈ کیلئے گوادر پورٹ کو آپریشنل کردیا ہے۔
