پاکستانی گلوکار سلمان احمد میں کورونا کی علامات ظاہر

پاکستانی گلوکار سلمان احمد میں کورونا وائرس کی علامات ظاہر ہو گئی ہیں۔

تفصیلات کے مطابق سماجی رابطے کی ویب سائٹ ٹوئٹر سے جاری اپنے پیغام میں انہوں نے کہا کہ ڈاکٹرز نے علامات دیکھ کر کورونا وائرس کا خدشہ ظاہر کیا ہے۔

سلمان احمد کا مزید کہنا تھا کہ مجھے ہلکی کھانسی ہوئی، میں بار بار اپنے ہاتھ دھورہا ہوں، سلمان احمد نے اپنے مداحوں سے بھی دعا کی اپیل کی ہے۔

انہوں نے بتایا کہ ڈاکٹرز نے خود کو آئسولیٹ کرنے کا بھی مشورہ دیا ہے، امریکہ میں کوروناوائرس کا ٹیسٹ بہت مشکل سے ہو رہا ہے۔

واضح رہے کہ گلوکار سلمان احمد ان دنوں نیویارک میں اپنے گھر میں مقیم ہیں۔