آزار خواتین میری زندگی کا حصہ ہیں

پاکستانی اداکار حمزہ علی عباسی کا کہنا ہے کہ وہ اپنے ارد گرد باہمت، طاقتور اور آزاد خواتین کی موجودگی پر اللہ کے شکر گزار ہیں۔

تفصیلات کے مطابق حمزہ علی عباسی نے سماجی رابطے کی ویب سائٹ ٹوئٹر پراپنے جاری پیغام میں تین تصاویر پر مبنی ایک ’فوٹو کولاج‘ شیئر کیا ہے۔

حمزہ علی عباسی نے ٹوئٹر پر یہ تصاویر شیئر کرتے ہوئے لکھا کہ ’اِن طاقتور، ہنرمند ، باہمت اور آزاد خواتین کو میری زندگی کا حصہ بنانے کے لیے اللّہ تعالیٰ کا شکریہ ادا کرتا ہوں۔

واضح رہے کہ حمزہ علی عباسی کی جانب سے شیئر کیے جانے والے اس ’فوٹو کولاج‘ میں اُن کی والدہ، بڑی بہن اور اہلیہ نیمل خاور عباسی کی تصویر ہے۔