ماہرہ خان پاکستان کے ساتھ ساتھ پڑوسی ملک کی شوبز انڈسٹری میں بھی اپنے فن کا لوہا منواچکی ہیں۔
سپراسٹار ماہرہ خان سماجی طور پر کافی متحرک ہیں اور چیلینج قبول کرنے کی بھی عادی ہیں، یہی وجہ ہے ان کے سوشل میڈیا پر فالوروز کی تعداد بھی لاکھوں میں ہے۔
تفصیلات کے مطابق ماہرہ خان نےانسٹا گرام پر ایک خاتون کی اسکائٹنگ جوتے پہنے، ہاتھوں میں چائے کا کپ تھامے اور مداحوں کو صبح بخیر کہتے ہوئے کمال مہارت سے برفیلی زمین پر پھسلتے ڈھلان کو عبور کرنے کی ایک ویڈیو شیئر کرتے ہوئے لکھا کہ کہ کاش میں بھی یہ سب کرسکتی۔
واضح رہے کہ برفیلی ڈھلان کو اسکائٹنگ جوتوں کی مدد سے تیز رفتاری کے ساتھ عبور کرنا مہارت کے ساتھ مضبوط اعصاب اور بہادری کا متقاضی ہوتا ہے، برفیلی زمین پر دوڑتے پھرنا ہر ایک کے بس کی بات نہیں۔
