پاکستان کے معروف موسیقار ذوالفقار جبار خان (زلفی) نے کرکٹ کے لیے ایک اور ترانہ جاری کردیا جسے سوشل میڈیا پر ملا جلا ردعمل موصول ہورہا ہے۔
اس گانے کی گلوکاری فواد خان، آئمہ بیگ، ہارون شاہد، اصفر حسین اور بلال علی نے کی۔
‘کھیل جا دل سے’ گانے کی ویڈیو میں وسیم اکرم کو 1992 کے ورلڈ کپ کے لمحات یاد کرتے دکھایا گیا جبکہ پاکستانی کرکٹ ٹیم کے دو کھلاڑیوں عماد وسیم اور شاداب خان بھی ویڈیو میں نظر آئے۔
مزید پڑھیں: کیا واقعی پی ایس ایل میں علی ظفر کے گانے چلانے کی اجازت نہیں؟
ہاں البتہ یہ گانا وسیم اکرم کی سوانح حیات پر مبنی فلم ‘اکرم: این ایرا’ میں ضرور لیا جاسکتا ہے جس کا اعلان انہوں نے حال ہی میں ایک مختصر ویڈیو کے ساتھ کیا۔
پیپسی برانڈ نے اس گانے کو اسپانسر کیا ہے جبکہ زلفی نے اس کی کمپوزیشن کی۔
یاد رہے کہ زلفی نے پاکستان سپر لیگ کے آفیشل گانے ‘تیار ہو’ کی بھی ہدایات دی۔
امید ہے کہ پی ایس ایل میچز کے دوران فواد خان کا یہ گانا بھی میدانوں میں چلایا جائے۔
