پاکستانی فلم انڈسٹری میں3 بہادراور لیجنڈ آف اللہ یار اور مارخور جیسی کامیاب فلموں کے بعد اب ایک سبق آمور اینی میٹڈ فلم رنگ جمانے آرہی ہے۔عرفات مظہر کی ڈاکومنٹری فلم شہرتبسم کی اسکریننگ رواں ماہ کی جارہی ہے۔
ڈاکومنٹری فلم سال 2071 میں پیش آنے والے ممکنہ حالات و واقعات کودیکھتے ہوئے فلمائی گئی ہے اور دکھایا گیا ہے کہ کئی دہائیوں بعد اسلام کی غلط تشہیر اور ٹیکنالوجی کا غلط استعمال کس خطرات کو دعوت دے گا اور پاکستان اس دور میں کیسا ہوگا۔
فلم کا ابھی ٹیزر جاری کیا گیا ہے تاہم جلد اسے آن لائن ریلیز کردیا جائے گا۔ فلم میں آزادی اظہار رائے ، رازداری اور سرویلنس جیسے حساس امور کو پربات کی گئی ہے جہاں ریاست کا مرکزی کردار ہے۔
فلسمازعرفات مظہر نے بات کرتے ہوئے کہا کہ کسی بھی معاشرے میں مسائل کو اجاگر کرنا اور انہیں حل کرنا بہت ضروری ہوتا ہے، انہوں نے بتایا کہ شہر تبسم میں بھی کئی ایسے مسائل کی نشان دہی کی گئی ہےجوحل نہ کیے گئےتو مستقبل میں انتہائی خطرناک نتائج برآمد ہوں گے۔
ڈائریکٹرکاکہنا تھا کہ فلم کو برطانیہ اور پاکستان میں آن لائن ریلیز کیا جارہا ہے۔ انہوں نے کہاکہ سوشل میڈیا کے ذریعے ان کا پیغام زیادہ سے زیادہ لوگوں تک رسائی حاصل کر پائے گا۔فلم شیرتبسم میں قانون سے متعلق آگاہی، نظم و نسق اور شہریت کے امور جیسے موضوعات پر روشنی ڈالی گئی ہے۔
