گولڈن گلوب ایوارڈز فلم '1917' اور ’جوکر‘ کے نام

’آسکر‘ کے بعد فلمی دنیا کے دوسرے معتبر ترین ایوارڈ کا اعزاز رکھنے والے ’گولڈن گلوب‘ کی 77 ویں سالانہ ایوارڈ تقریب میں حیران کن طور پر ویب اسٹریمنگ کمپنی ’نیٹ فلیکس‘ کی فلموں کے بجائے دوسری فلمیں بڑے ایوارڈ حاصل کرنے میں کامیاب ہوگئیں۔

77 ویں گولڈن گلوب ایوارڈز کی دسمبر 2019 میں سامنے آنے والی نامزدگیوں میں ’نیٹ فلیکس‘ کی فلموں اور ڈراموں نے سب سے زیادہ یعنی 34 نامزدگیاں حاصل کی تھیں تاہم نیٹ فلیکس کی فلمیں بڑا ایوارڈ حاصل کرنے میں ناکام رہیں۔

یہ بھی پڑھیں: ’نیٹ فلیکس‘گولڈن گلوب ایوارڈز کی 34 نامزدگیاں حاصل کرنے میں کامیاب

77 ویں گولڈن گلوب کی تقریب میں مجموعی طور پر 25 کیٹیگریز میں ایوارڈز دیے گئے اور ’بہترین فلم’ کا ایوارڈ جنگ عظیم اول پر بنی فلم ’1917‘ حاصل کرنے میں کامیاب ہوگئی جب کہ ’بہترین اداکار‘ کا ایوارڈ تھرلر کرائم فلم ’جوکر‘ کے اداکار جیکوئن فیونکس لے اڑے۔

ایوارڈ تقریب میں متعدد معروف شوبز شخصیات نے شرکت کی—فوٹو: اے پی

گولڈن گلوب ایوارڈ تقریب میں ’بہترین فلم، بہترین اداکار اور بہترین ڈائریکٹر کے علاوہ بیسٹ ٹیلی وژن سیریز، بیسٹ ٹیلی وژن سیریز میوزک یا کامیڈی، بیسٹ مووی اینڈ لمیٹڈ سیریز، بیسٹ پرفارمنس ایکٹریس ان لمیٹڈ سیریز، بیسٹ پرفارمنس ایکٹر ان لمیٹڈ سیریز، بیسٹ پرفارمنس ایکٹریس ان ٹیلی وژن سیریز، بیسٹ پرفارمنس ایکٹریس ان ٹیلی وژن سیریز کامیڈی یا میوزک، بیسٹ پرفارمنس ایکٹر ان ٹیلی وژن سیریز، بیسٹ پرفارمنس ایکٹر ان ٹیلی وژن سیریز کامیڈی یا میوزک، بیسٹ سپورٹنگ ایکٹر ان لمیٹڈ سیریز، بیسٹ سپورٹنگ ایکٹریس ان لمیٹڈ سیریز، بیسٹ سپورٹنگ ایکٹر (ہر طرح کی فلم یا ڈراما)، بیسٹ سپورٹنگ ایکٹریس (ہر طرح کی فلم یا ڈراما)، بیسٹ اسکرین پلے، بیسٹ اوریجنل اسکور، بیسٹ اوریجل سانگ، بیسٹ اینیمیٹڈ فیچر فلم اور بیسٹ فورین لینگویج فلم‘ کی کیٹیگریز میں ایوارڈز دیے گئے۔